Германскиот канцелар Олаф Шолц на 14 март во посета на Турција

Германскиот канцелар Олаф Шолц на 14 март ќе престојува во официјална посета на Анкара, главниот град на Република Турција, јавува Агенција Анадолија (АА).

Новинар на АА од извори блиски до Владата дознава дека канцеларот Шолц на 14 март ќе престојува во еднодневна посета на Анкара.

Предвидено е тој да се сретне со турскиот претседател Реџеп Таип Ердоган на разговори за билатералните односи и регионалните прашања.

Посетата ќе биде прва посета на Шолц на Турција од преземањето на функцијата на 8 декември 2021 година.