Претседателот Александар Вучиќ изјави денеска дека, според договорот од Вашингтон, и Белград и Приштина имаат обврска да се воздржат од кампања за повлекување или лобирање за признавање на независноста на Косово и додаде дека Србија ќе стори се за да ги заштити своите интереси, ако другата страна го крши тој договор, јави дописникот на МИА од Белград.
Прашан да ја коментира најавата на турскиот претседател Реџеп Таип Ердоган дека ќе започне лобирање за независноста на Косово, Вучиќ одговори дека Турција е велесила, а Ердоган е голем лидер.
-Ќе се обидам да разговарам со него. До 1 септември, според Вашингтонскиот договор и едните и другите имаме обврска да се воздржиме од лобирање, но ако тие започнат пред тоа … Турција е голема сила, Ердоган е голем, јас сум мал и занемарлив, но не е Србија толку мала што не би се обидела на тоа да се спротивстави, и верувам дека тој малку ќе го ублажи својот став, кажа Вучиќ.
-И ќе видите дека не сме толку мали како што понекогаш велам, порача Вучиќ.
Nova Tv
