Дваесет и пет лица беа уапсени во рации низ Германија под сомнение дека планирале да ја соборат владата. Германската полиција тврди дека група екстремни десничари и поранешни и сегашни војници планирале да упаднат во зградата на парламентот, Рајхстагот и да ја преземат власта. Помладиот аристократ кој себеси се нарекува принц Хајнрих XIII (71), се вели дека е мозокот зад пучот. Според федералните обвинители, тој е еден од двајцата водачи меѓу уапсените во 11 германски покраини, пренесува ЗДФ.
Повеќето од уапсените се членови на екстремистичкото движење Рајхсбургер (Граѓани на Рајхот), кое подолго време е под надзор на германската полиција поради насилни напади и расистички теории на заговор. Тие одбиваат да ја признаат модерната германска држава создадена по последната светска војна. Се проценува дека 50 мажи и жени биле дел од групата која планирала да ја собори републиката и да ја замени со нова држава по моделот на Германија во 1871 година – империја наречена Втор Рајх.
Дури три илјади полицајци учествувале во 130 рации во поголемиот дел од земјата, а две лица беа уапсени во Австрија и Италија. Во текот на денот тие треба да бидат сослушани и приведени. Министерот за правда Марко Бушман преку Твитер објави дека е во тек голема антитерористичка операција и дека „наводно се планира вооружен напад врз уставните органи“. Тој ги пофали апсењата на членовите на „терористичката ќелија“, додавајќи дека акцијата утринава „покажала дека Германија е способна да ја брани својата демократија“.
Канцеларијата на федералното обвинителство соопшти дека групата планирала државен удар од ноември 2021 година и дека членовите на нејзиниот централен совет од тогаш одржувале редовни состаноци. Тие веќе имаат воспоставено планови да владеат со Германија со одделенија кои ги покриваат здравството, правдата и надворешните работи, рече обвинителот. Членовите сфатија дека можат да ги постигнат своите цели само со „воени средства и насилство врз државните претставници“, што вклучува и извршување на убиства.
Се верува дека инспекторите дознале за групата кога откриле заговор за киднапирање минатиот април, во кој била вклучена банда која себеси се нарекува Обединети патриоти. И тие беа дел од движењето Рајхсбиргер и наводно го планирале киднапирањето на министерот за здравство Карл Лаутербах, притоа создавајќи „услови за граѓанска војна“ за да се стави крај на германската демократија. Се вели дека во најновиот заговор е вклучен и поранешен екстремно десничарски член на долниот дом на парламентот на АфД, Бундестагот, кој беше поставен за министер за правда на групата, со принцот Хајнрих како нејзин водач. Хајнрих XIII потекнувал од старо благородничко семејство познато како Куќата на Ројс, која владеела со делови од модерната источна држава Тирингија до 1918 година.
Сите машки членови на семејството го добиле името Хајнрих, како и број до името . Покрај владата во сенка, заговорниците, наводно, имале планови и за воениот огранок, со активни и поранешни членови на војската кои значаен дел од заговорот за државен удар, според извештаите. Меѓу нив имало и поранешни елитни војници од специјалните единици. Целта на воените сили беше да ги елиминираат демократските тела на локално ниво, рекоа обвинителите. Еден од оние кои се под истрага е припадник на командосите, а полицијата го пребарала неговиот дом и соба во воената база Граф-Цепелин во Калв, југозападно од Штутгарт, пренесува Der Spiegel. Со оглед на тоа што медиумите пишуваат дека тој е поранешен војник, не е јасно како се уште има соба во воената база.
Во Германија, во последниве години има загрижувачки пораст на екстремно десничарската идеологија. Во мај, Сојузното Министерство за внатрешни работи објави дека 327 вработени во германските сојузни и државни безбедносни агенции биле откриени дека се поврзани со тврдодесничарската идеологија во период од три години. Покрај тоа, најмалку девет лица беа застрелани и убиени од напаѓач осомничен дека има врски со крајната десница во февруари 2020 година во Ханау.
