Автомобили

Германското регулаторно тело за автомобилската индустрија KBA (Kraftfahrt-Bundesamt) започна истрага против Porshce поврзана со сомнежи за лажно прикажување на потрошувачката на гориво на автомобилите од овој бренд.

Како што пренесува угледниот „Business insider“, германскиот производител наводно прикажува погрешни односно помали нивоа на просечна потрошувачка на повеќе од своите модели со што значително се крши германското законодавство.

Портпаролог на „Porsche“ во изјава за германските медиуми ја потврди истрагата отворена од KBA, но потенцираше дека Porsche самостојно, на волонтерска основа се пријави за оваа истрага со цел да се разрешат сите дилеми поврзани со потрошувачката.

Од KBA засега се без коментар за оваа истрага и уверија дека ќе излезат со официјално соопштение во оној момент кога истрагата ќе заврши.

24auto

Јапонската компанија соопшти дека од американскиот пазар ќе повлече уште 1,52 милиони автомобили поради неисправноста на пумпата за гориво.

Kanal5

Четвртата генерација на Škoda Octavia е препознатлива од секој агол, заснована на дизајнерскиот јазик од претходната генерација, но многу подинамична и поелегантна. Надворешниот дел е комплетно нов, со многу детали кои непогрешливо говорат – Škoda. Со должина од 4.689 mm и ширина од 1.829mm, новата генерација е подолга за 19 mm и поширока за 15 mm, додека сега, меѓуоскиното растојание изнесува 2.686 mm. Оваа разлика во димензии е евидентна во внатрешниот дел, каде просторот е максимално искористен за врвен комфор на патниците.

 

Надворешност

Кристален дизајн, прецизен и безвременски. На предниот дел се наоѓа новата, дистинктивно решетка со хромиран финиш во форма на шестоаголник. Покрај неа се наоѓаат комплетно новите full LED Matrix светла со остар, кристален дизајн и функција за индивидуално гасење на лед диодите и пренасочување на светлината од сообраќајот што доаѓа од спротивниот правец, со што се избегнува заслепување на возачите. Трепкачите се интегрирани во самите LED светла.

Дизајнот на предницата се пренесува по должината на целото возило преку препознатливата т.н. Торнадо линија и завршува на задниот дел, на кој јасно се забележува линијата која го нагласува класичниот и елегантен изглед на Octavia.

На задниот дел, се истакнува името на марката Škoda на средина од задната врата за багажниот простор, која е електронски прилагодлива, а просторот за багаж сега изнесува огромни 600 литри, кој со преклопени задни седишта достигнува до 1.740 литри. Задните светла се составени од бројни индивидуални LED диоди, додека трепкачите се интегрирани со ефект на анимација.

Внатрешност

Дизајнот на внатрешноста е целосно променет. Пред вас е воланот со два краци и дигиталниот кокпит со избор помеѓу четири прикази на информации. Basic, кој ги покажува најважните информации, Classic – кој ги враќа традиционалните текометар и брзинометар, Navigation – со кој на целиот 10 инчен екран го гледате патот до вашата дестинација и Driver Assistance – кој нуди детални информации за сите системи. Во погледот на возачот е и head-up дисплејот кој ги прикажува моменталната брзина, навигација како и сообраќајните знаци директно на ветробранското стакло.

На централната конзола се наоѓа 10 инчен инфозабавен систем, со големи и јасни икони и одлични shortcut копчиња за едноставно ракување. Функциите на системот можат да бидат контролирани со гестикулации или во комуникација со Лаура, вашиот личен, Škoda виртуелен асистент.

Комфорот на седиштата е бескомпромисен во сите нивоа на опрема, како лумбарната поддршка и функцијата за масажа.  Сите материјали во внатрешноста се меки на допир, обложени со кожа или квалитетна ткаенина кои даваат севкупно премиум чувство.  Оставите во вратите се големи, просторот во наслонот за рака е одличен, а во оставата за телефон е интегриран безжичен полнач. Дополнително, за патниците се достапни 5 USB приклучоци. Во задниот дел, веднаш се забележуваат зголемените пропорции во однос на претходната генерација. Сега, патниците имаат уште поголем простор за максимален комфор при долги патувања.

Кога станува збор за практичноста, Octavia од секогаш е лидер во класата, велат од Škoda. Низ целата внатрешност интегрирани се многу детали кои секако ќе ви бидат од корист, како џебовите за телефон на страничните делови од предните седишта. Веќе познатите Simply Clever решенија продолжуваат и во новата генерација на Octavia. Како што се гребалката за мраз која се наоѓа под капакот за полнење гориво, со која исто така можете да ја измерите длабочината на шарите на вашите пневматици. Држачи за таблет на задните страни од седиштата, чадор во предните врати, како и штипка за паркинг тикет на ветробранското стакло.

Безбедност

Новата Octavia стандардно доаѓа со системот за итно сопирање, систем за одржување на коловозна лента, како и функцијата за итен повик во случај на незгода. Дополнително достапни се системите за набљудување на слепа точка, систем за спречување на незгода, предупредување при напуштање на возилото и системот за сообраќаен метеж.

Интелигентниот адаптивен темпомат врвно го олеснува патувањето, додека сензорите и задната камера се секогаш корисни при паркирање.

Мотори

Понудата за Octavia започнува со 1.0 и 1.5 литарски турбо бензински мотори со мануелен или автоматски DSG менувач со двојна спојка и моќност од 115 и 150 КС.

Дизел верзиите, сега емитуваат 80% помалку азотни оксиди од порано, благодарение на двата секвенцијални катализатори. Моќноста на 2 литарскиот дизел мотор изнесува 150 КС.

Новата генерација на Škoda Octavia е најголема, најудобна и најбезбедна до сега. Според компанијата но и многумина други, ова е идеалното семејно возило со кое ќе поминувате безброј авантури.

За повеќе информации и цени посетете ја веб страната Škoda за Македонија и појдете до салонот во Скопје.

Имајќи ја во предвид моменталната ситуација во светот зафатен од страна на пандемијата на коронавирусот, имавме можност накратко да поразговараме со г-динот Адем Ајдароски, за моменталната состојба во населба Подгорци.

Дубаи Портал: Подгорци, како и голем број населби се соочува со епидемијата на Корона вирусот. Како претседател и челн на Кризниот штаб, ќе може ли да ни кажите каква е моменталната состојба во ова населба?

Ајдароски: Подгорци, како и сите останати населени места во државата и светот, се соочува со пандемијата предизвикана од „КОРОНА“ вирусот. Според информациите што ги добиваме од здравствените институции, а особено од лекарите по семејна медицина кои се матични лекари на поголемиот број граѓани на нашето населено место, можеме да кажеме дека во с.Подгорци, до овој момент, нема регистрирани заразени лица со овој вирус. Во комуникација со граѓаните, може да се забележи видна загриженост за состојбите.

Особена загриженост се забележува кај граѓаните кои имаат блиски и подалечни роднини во странство, бидејќи немаат доволни информации каква е состојбата таму, и што е поважно, кога овие лица ќе можат да се вратат во нашата државата. Се разбира загриженост кај граѓаните се јавува и како резултат на финансиската неизвесност, имајќи го во предвид фактот што, поголемиот број помали и поголеми бизниси во моментот се во застој. Како членови на кризниот штаб, исто така можеме да потврдиме дека граѓаните во најголема мера се придржуваат кон пропишаните мерки за спречувње на ширење на овој вирус.

Дубаи Портал: Дали имате информации за евентуално заразени граѓани со овој вид на вирус, и колкава е бројката?

Ајдароски:. Како што е наведено погоре, уште еднаш укажуваме дека членови на овој кризен штаб се и матични лекари на поголемиот број граѓани на оваа населено место. Матичните лекари согласно новите протоколи на министерството за здравство и согласно платформата „мој термин“ се главни организатори на процесот на тестирање на потенциалните носители на овој вирус, и исто така тие се првите кои ги добиваат резултатите од испитувањата на земените брисеви. Од тука, со голема сигурност можеме да потврдиме дека во с.Подгорци, нема ниту еден заразен со вирусот „КОРОНА“.

Дубаи Портал:Превземени се ли соодветни мерки на заштита и олеснување на моменталната состојба на граѓаните.

Ајдароски: Кризниот штаб во с.Подгорци, во координација со општинскиот кризен штаб, превзема низа мерки за заштита и спречување на ширење на оваа заразна болест. Исто така се превземаат и мерки со кои им се помага на оние граѓани кои имаат потреба од помош во овие тешки мигови, а особено на лицата од социјално загрозени семејства. Кризниот штаб исто така ги пренесува препораките од општинскиот кризен штаб до граѓаните, помага во организрање на одредени активности како што е дезинфекција на улиците и низа други мерки.

Дубаи Портал: Евидентирани ли се некакви прекршувања на полицискиот час, или некој сличен инцидент ?

Ајдароски: Во однос на поведението на нашите граѓани, потврдуваме дека во билтени на дневни настани на МВР, нема евидентирано ниту едно нарушување на полицискиот час, од граѓани на с.Подгорци. Исто така потврдуваме дека фирмите кои работат во с.Подгорци досега не направиле повреди на уредбите донесени од влада, кои се однесуваат на работно време како и мерки на безбедност на вработените.

Дубаи Портал:Постои ли комуникација со општинските органи и кризните штабови од другите населби ?

Ајдароски: Кризниот штаб во Подгорци, е организиран на доброволна основа, од лица кои изразија желба да дадат свој допринос, и да помогнат на институциите на системот како и на нашите граѓани, сите полесно да се справат со оваа новонастаната вонредна состојба. Иако, сите членови доброволно се приклучиле во оваа организација, можеме со сигурност да ви укажеме дека сите тие многу одговорно пристапуваат кон обврските кои ги превзеле со формирање на овој кризен штаб. За полесно извршување на своите активности, овој кризен штаб е во постојана комуникација со општинскиот кризен штаб, а по потреба и со останатите кризни штабови од околината.

Дубаи Портал:И за крај, што би им порачале на граѓаните на населба Подгорци ?

Ајдароски: Како пораки што сакаме да ги испратиме до граѓаните се следни: – ОСТАНЕТЕ ДОМА. – КОЛКУ ШТО Е МОЖНО ПОВЕЌЕ, ИЗБЕГНУВАЈТЕ БЕЗПОТРЕБНА КОМУНИКАЦИЈА И ДВИЖЕЊЕ. – ПОЧИТУВАЈТЕ ГИ СИТЕ ПРОПИШАНИ МЕРКИ ЗА ЗАШТИТА, КОИ СЕ ОДНЕСУВААТ НА СРЕДСТВА ЗА ЗАШТИТА И ОПШТЕСТВЕНО ДИСТАНЦИРАЊЕ