Веејќи пропалестински знамиња и транспаренти, илјадници луѓе маршираа низ улиците на Мадрид на 17 февруари, барајќи итен прекин на огнот меѓу Израел и Хамас, пренесува AFP.
Како што јави АФП, демонстрантите вееја палестински знамиња и носеа транспаренти на кои пишуваше „Мир за Палестина“ и „Не го игнорирајте палестинското страдање“.
Hundreds have taken the streets in Madrid, Spain, in support of Gaza and demanding a ceasefire. pic.twitter.com/CGFuD6x3y3
— Quds News Network (@QudsNen) February 17, 2024
На демонстрациите учествуваа и шест министри од кабинетот на премиерот Педро Санчез, сите петмина од левичарската партија Сумар, кои се дел од владејачката коалиција, како и министерот за транспорт Оскар Пуенте од Социјалистичката партија на премиерот.
„Потребен ни е итен прекин на огнот, крај на убиствата и нападите врз невините, треба да постигнеме ослободување на сите заложници“, им рече Пуенте на новинарите на почетокот на маршот.
На демонстрациите учествуваа околу 3.000 луѓе, според делегацијата на централната влада во Мадрид, што е многу помал одѕив од последниот протест во шпанската престолнина на 27 јануари, кога учествуваа околу 20.000.
Hundreds of people call for a stop to the killings in Gaza, at the demonstration in support of Palestine.
17.2.2024 Madrid/ Photo: AntonioVelázquez.#Palestine #gaza #demonstration #freepalestine pic.twitter.com/p5Bigfviwy— Antuan (@antuanvelazquez) February 17, 2024
АФП пренесува дека некои учесници на демонстрациите извикувале „Од река до морето Палестина ќе биде слободна“ – слоган што критичарите го толкуваат како повик за елиминација на Израел. Се слушаа и извици „Не е војна, тоа е геноцид“.
(Vijesti.ba)