Најмалку 11 лица се повредени во голем пожар што избувна во станбено-деловниот комплекс Арлис во Тирана, додека противпожарните екипи успеаја да го локализираат пожарот и да спречат негово ширење кон околните згради, соопштија денес локалните власти.
Директорот на Албанската служба за итни случаи, Арбен Кара, изјави дека пожарот е ставен под контрола и дека е спречено неговото понатамошно ширење кон блиските станбени кули.
Тој, според новинскиот портал Тирана, истакна дека пожарот се проширил на североисточниот дел од зградата од приземјето до горниот кат и дека е предизвикана значителна материјална штета.
Drone footage published by Euronews Albania shows a large fire engulfing the facade of a residential building in Tirana, Albania, on April 14.
Firefighters and emergency crews responded to the scene and worked to bring the blaze under control. Authorities said dozens of… pic.twitter.com/c2UNyy90tC
— APT News (@APT__News) April 14, 2026
Кара изјави дека сите расположливи капацитети се ангажирани во гаснењето на пожарот, вклучувајќи повеќе од 50 пожарникари од Тирана и други градови, како и припадници на армијата.
Според него, сè уште се работи на гаснење на преостанатите жаришта во становите, додека целосниот обем на штетата сè уште не е познат.
