Десетици илјади луѓе, вклучително и многу семејства со деца, излегоа на улиците на Хаг денеска за да протестираат против израелската опсада на Газа и надворешната политика на холандската влада кон конфликтот, објави Ројтерс.
Според организаторите, вториот голем протест за еден месец привлече околу 150.000 луѓе.
Демонстрантите носеа црвена облека, симболизирајќи ја „црвената линија“ против континуираните израелски напади и наводните воени злосторства против палестинскиот народ.
And what a red line it is!!!
The Hague, The Netherlands, now. Protest against Netanyahu’s genocide in Gaza.
Approximately 200.000 participants. #rodelijn #redline #israel pic.twitter.com/T2s5Mf1wgo
— Whispering (@AnnetinMokum) June 15, 2025
Демонстрантите скандираа, одржаа говори и маршираа во близина на Меѓународниот суд на правдата, кој во моментов ја разгледува тужбата поднесена од Јужна Африка против Израел под обвинение за геноцид.
Судот минатата година донесе привремена мерка со која побара од Израел да ја запре офанзивата врз градот Рафах во јужниот дел на Газа и да дозволи непречен проток на хуманитарна помош.
Од друга страна, израелските власти ги отфрлаат сите обвинувања за геноцид и воени злосторства, наведувајќи дека армијата дејствува во самоодбрана и дека нападите се насочени исклучиво кон милитантните сили на Хамас.
