Додека бројот на жртвите од двата разурнувачки земјотреси што ги погодија турските југоисточни провинции продолжи да расте во вторникот, тимовите за пребарување и спасување деноноќно работеа за да ги извлечат преживеаните од урнатините во провинцијата Хатај каде што 10-катни згради се урнаа на улиците.
Меѓу преживеаните има и 16-годишно девојче кое било спасено откако речиси 22 часа била заробена под урнатините на петкатната зграда. Кога противпожарните екипи го извлекле девојчето на површината, Шеввал Дениз низ солзи ги прегрнала своите спасувачи пред да биде хоспитализирана.
Пет други преживеани беа пронајдени речиси 30 часа по земјотресот со јачина од 7,7 степени според Рихтеровата скала што го погоди центарот на Антакија, вклучувајќи ја и 65-годишната Хатиџе Озкан, која веднаш беше пренесена во болница.
Речиси во истото време во вторникот, спасувачките тимови успеаја да ископаат уште четири лица во две посебни урнатини на булеварот Ататурк и уште една жена која беше ранета под урнатините.
Ферит Ѓузелоглу, 55-годишен маж кој беше заглавен под седумкатница на булеварот Угур Мумџу, е спасен жив и здрав.
Тричлено семејство беше спасено 20 часа откако потресите престанаа од урнатините на деветкатницата.
Девет часа подоцна, 30-годишна мајка и нејзиното шестмесечно бебе биле пронајдени живи во населбата Одабаши.
Ајше Вера Јилмаз, шестмесечното бебе заробено под урнатините со нејзината мајка 29 часа, беше донесено на безбедно од страна на спасувач во областа Одабаши во Хатај, Турција, на 7 февруари 2023 година, пренеува Дејли Сабах.
