Предупредувањата дека земјава ќе треба да увезува работници веќе станува реалност. Компаниите се соочуваат со сериозен недостиг од работна сила. Државата ја зголемува квотата за работа на страци. Истовремено податоците на АВРМ покажуваат дека од странските работници најмногу „увезуваме’ управители.
Она што со години наназад се предупредуваше дека земјава останува без квалификувана работна сила сега веќе станува реалност.
Заварувачи, бравари, електричари нема ниту за лек.
Огласите за вакви работни позиции стојат објавени со месеци без никој да се пријави, а државата веќе е приморана да увезува работници од странство.
Претседателката на Организацијата на работодавачи, Владанка Трајановска која и самата има компанија за производство и сервисирање на трансформатори и мотори, вели дека на огласите за вработување со месеци никој не се јавува.
„Не се јавува никој на конкурс. Никој воопшто не прашува ниту за плата. Едноставно нема интерес, на младите луѓе веројатно не им е предизвик да го работат тоа“, вели Трајановска.
Недостиг има од сите профили на работници
Додава дека во моментов во земјава недостасуваат работници од речиси секој профил.
Повеќе на РСЕ
