Палестинското Министерство за надворешни работи денеска ги осуди тврдењата на германскиот претседател Франк-Валтер Штајнмаер (Frank-Walter Steinmeier) дека Меѓународниот кривичен суд (ICC) (МКС) нема надлежност да ги истражува израелските воени злосторства, пишува „Sputnik“, пренесува „Dubai-Portal“.
Министерството ги опиша забелешките на германскиот официјален претставник како „отстапување од правилата на меѓународното право“ и „мешање во работата и одлуките на МКС“.
Штајнмаер за израелскиот весник „Хаарец“ („Haaretz“), вчера изјави дека неговата земја верува дека МКС нема овластување да го испитува Израел (Israel), бидејќи не постои „палестинска држава“.
Во својот одговор, палестинското Министерство за надворешни работи рече: „Статусот на државата Палестина на меѓународно ниво како држава со сите права и должности, не е предмет на германскиот претседател или на мислењето на неговата земја“.
Министерството го повика германскиот министер да престане да одобрува „неказнивост за одговорност и казна за Израел и сметајќи го за држава над законот“.
МКС во март објави дека отвора истрага за воени злосторства извршени од Израел, на окупираните палестински територии.
Во соопштението од канцеларијата на поранешниот обвинител, Фату Бенсуде, се вели дека истрагата ќе опфати злосторства извршени од 13 јуни 2014 година, во окупираниот Западен брег (West Bank), Појасот Газа (Gaza Strip) и Источен Ерусалим (East Jerusalem).
„MEMO“
„Dubai-Portal“
