Американскиот претседател Доналд Трамп ја предупреди Куба дека ќе и` воведе нови санкции ако кубанските војници веднаш не ги сопрат како што вели тој, воените операции во Венецуела.
“Доколку кубанската армија и милицијата веднаш не ги прекинат воените и другите операции, на Куба ќе и биде воведено целосно ембарго заедно со најсилните санкции”, напишал Трамп на Твитер.
If Cuban Troops and Militia do not immediately CEASE military and other operations for the purpose of causing death and destruction to the Constitution of Venezuela, a full and complete….
— Donald J. Trump (@realDonaldTrump) April 30, 2019
Тој додал дека се надева дека кубанските војници веднаш и мирно ќе се вратат на својот остров.
Претходно, советникот за национална безбедност, Џон Болтон, ја обвини Куба дека ја контролира сегашната власт во Венецуела.
