Долгови

Во пресрет на гласањето во грчкиот парламент за новиот пакет мерки на штедење, низ земјата започнаа да се шират протестите, а синдикатите организираа серија штрајкови. Јавниот транспорт во Атина беше суспендиран, а десетици летови беа одложени или откажани, додека штрајковите ја парализираа земјата за време на очекуваното гласање на парламентот за т.н. реформски мерки кои ги бараат грчките кредитори.

Меѓу мерките кои во понеделникот ги усвоил парламентот се тешко остварливи услови за синдикатите за свикување на штрајкови и полесно одземање на имотот под надзор.

Во предвечерието на изборите, синдикатите закажаа серија демонстрации против усвојувањето на овие мерки во центарот на Атина, меѓутоа повеќето собири биле сузбиени заради острите репресивни мерки кои ги превезела полицијата.

Иако грчките власти и кредтиторите тврдат дека програма за помош на Грција се очекува да биде завршена во август, малку е веројатно дека тоа ќе се случи, а Грција е практично во еден маѓепсан круг должнички робство од кое ќе биде тешко да се извлече. Заговорниците на програмата “да се помогне”, во замена за усвојување на нови мерки на штедење и укинување на социјалната држава доколку било што од тоа останало во Грција, тврдат дека Атина досега добила три транши од заеми според програмата за помош од земјите на еврозоната и Меѓународниот монетарен фонд.

ФОТО: Протести против мерките на штедење

Грчкиот национален долг во моментов изнесува над 320 милијарди евра, нешто повеќе од 190% од БДП-то. Годишните каматни стапки изнесуваат 17,5 милијарди евра, така што траншите на помош на кредиторите не го покриваат ниту овој износ, а долгот се зголемува секоја година.

Без оглед на сè, поголемиот дел од парламентот во Атина, формиран од претставниците на таканаречената левичарска партија Сириза и независната грчка партија (АНЕЛ), на кои им се придружила либералната пратеничка Теодора Мегалоиконому, во понеделникот изгласа уште еден пакет солзи, крв и пот што беа наметнати од т.н. ” меѓународни кредитори, оние против кои Сириза ветила дека ќе се бори и дека ќе ги порази.

Меѓутоа, наместо Алексис Ципрас, сè уште со Грција владее  Европската централна банка, Европската комисија и ММФ.

Меѓу мерките усвоени од таканаречените “заштеди”, најсериозни се, како што на почетокот беше наведено, влошувањето на законот за штрајкови и новиот модел за продажба на имот одземен поради долговите кон банките. Според новиот закон, со цел да се свика штрајк на состаноците, треба да учествуваат најмалку 50% од членовите на различни синдикати, што е мерка што во пракса ги спречува протестите на работниците. Досега, 20% од синдикалните активисти бил доволни за да се одобри штрајк, додека во некои случаи доволна била и одлуката на извршното тело на синдикатот.

Од сега па натаму, продажбата на одземените домови може да се спроведува на интернет, што било направено за да се избегнат блокадите на групите како што е “Живиот ѕид” во Хрватска и протестите организирани во последните неколку месеци од страна на радикалните левичарски и комунистички милитантни синдикати. Според новиот закон, може да биде одземен дури и првиот дом, односно единственото место на живеење, ако надминува одредена квадратура.

И покрај протестите на синдикатите кои го блокираа јавниот градски превоз, летовите на аеродромите, работата во болниците и училиштата во Атина, излегувањето на десетици илјади луѓе пред грчкиот парламент да кажат “не” за најновиот пакет за реформи, сепак Алексис Ципрас усвојувањето на мерките за штедење кои не водат никаде ги пропратил со охрабрувачки зборови.

“Земјата влегува во нова фаза која ќе ги охрабри милиони граѓани, оние кои се најголеми жртви во текот на сите овие години”, рекол грчкиот премиер после гласањето.

Ципрас со години ветува дека жртвите служат за ослободување на Грција од оковите на кредиторите на Европската централна банка, Европската комисија и Меѓународниот монетарен фонд.

За последната транша на”економска помош”, од која повеќето нема да оди кај народот и грчките работници, туку парите едноставно ќе бидат вратени на кредиторите, Европската унија и понатаму побарува сериозна пензиска реформа, кои во последниве неколку години се намалени за повеќе пати, зголемување на ДДВ-то, нов закон за работни односи и зголемувањето на индиректните даноци.

ФОТО: Протести во Грција

По веста дека мерките се усвоени, избувнаа конфликти на плоштадот Синтагма во Атина, а демонстрантите се судрија со специјалната полиција која го штитела парламентот.

Последното гласање во понеделникот во Атина покажа дека Алексис Ципрас не е никаков “револуционер” и “левичар” и дека на таа функција е избран  да го прави она од кога е на власт, што е од почетокот на еуфоријата со доаѓањето на Сириза на власт, предупредупредувал лидер на шпанските комунисти Кармело Суарез.

“Повторно баук се шири низ Европа, баук на комунизмот, ама сите политички сили на старата Европа – Меркел, Оланд, Рахој, Камерон, Ципрас, Рензи … се здружиле во” Света алијанса “како би го протерале овој баук. Порано работниците во уривањето на капитализмот јуришале со слоганите “Власта на работниците” – “Социјализам и комунизам”, ама од вистинската борба успеале да ги возвратат опортунистите на Евролевицата тие – Кајо Лара, Алексис Ципрас, Пабло Иглесијас и учениците на Бернштајн и неговите следбеници. Моментално сите тие се на позиции на за таа намена “, рекол Кармело Суарез во време кога Грците се надеваа дека Ципрас ќе ги исполни изборните ветувања.

По очигледно “мачните” преговори првично со меѓународните кредитори, Алексис Ципрас капитулираше и со нив постигнал договор до кој се уште се држи и ги исполнува сите заповеди на таканаречената “Тројка”. Грција, според официјалните статистички податоци, влегува во уште поголем должничко ропство, иако разни агенции на ЕУ излегуваат со проекции каде со усвоените мерки ситуацијата би можела да започнува да се поправа.

Покрај тоа, она што е особено загрижувачки е проблемот што капитулацијата на грчкиот премиер и парламентарните претставници пред Европската централна банка, Европската комисија и ММФ го отвара и прашањето за тоа во колкава мера обичен човек може да влијае врз високата политика и финансиите на Европската унија?

ВИДЕО – Реакција на грчката полиција на протестите во Атина во понеделникот

[embedyt] https://www.youtube.com/watch?v=D7QSZT-J4nU[/embedyt]

[embedyt] https://www.youtube.com/watch?v=1D2EWpQGTFM[/embedyt]

Извор:logicno