Иако процесите на отцепување честопати се придружени со немири и крвави војни, сè уште се чини дека не постојат предуслови за таков развој во Каталонија. Но, постојат сите опции на маса, па така и крвава граѓанска војна како онаа во Украина. Иако овие два примери се сосема различни, постои таква можност, а лидерите на ЕУ можат да се молат дека нема да дојде до тоа.
Иако во овој момент се чини дека многу малку Каталонци се подготвени да го преземат оружјето во свои раце, секогаш под претпоставка дека го поседуваат, а провинциската полиција е премногу слаба за да ги одбрани каталонските институции, духот излезе од шишето и Европската унија ја покажа сета немоќ да направи било што. Сите сметаат дека ова е внатрешно прашање на Шпанија, за која Европската комисија и земјите на ЕУ сметаат дека е нејзин составен и неделив член, освен ако до отцепување не дојде преку демократски пат и договор помеѓу Барселона и Мадрид, што е невозможно.
Во петокот, во Европа беше прогласена нова “држава”, Каталонија, Сепак, меѓународната заедница, вклучувајќи ја и ЕУ, не го признава суверенитетот на овој државен ентитет.
Всушност, каталонскиот парламент и нема контрола над целиот регион, за разлика од владата во Мадрид. Освен тоа, ниту една странска сила не ја поддржува “националистичка и сепаратистичка” влада во Барселона.
Каталонија е изолирана и оваа ситуација, барем во догледна иднина, нема да се промени.
Меѓутоа, ова пат позиција може да резултира со крвопролевање, што сигурно ќе следи доколку Мадрид ја испрати војската и полицијата да ги приведе каталонските лидери. Така, Карлс Пуигдемон и неговите соработници ќе станат “маченици”, кои дополнително ќе ги зајакнат националистичките чувства во покраината. Во тој случај, Каталонија ќе се трансформира во буре барут, што може да експлодира, да ја запали провинцијата и целата земја. Баскија е прва на листата која обезбедува организиран вооружен отпор кон централна власт, но со многу повеќе можности и ресурси од Каталонците.
Најлошото нешто што може да се случи е нова граѓанска војна во Шпанија.
Национализмот и сепаратизмот, особено во земјите како Шпанија, секогаш одат рака под рака, а со цел како би го сочувале територијалниот интегритет на централната власт, главно посегнуваат за воена сила.
Ова може да се види во настаните што следеа по соборувањето во Киев и припојувањето на Крим кон Русија пред неколку години. Властите во Киев во источниот дел на Украина воведоа воена состојба и сакаа да “зачуваат” дел од земјата кој всушност бараше она што до петокот го имаа Каталонците. Иако со нескриени симпатии кон Москва, Донбас бараше политичка и културна автономија и тоа подрачје да се признае како политички ентитет во новата децентрализирана Украина. Бидејќи за Кијев такво нешто беше неприфатливо за Кијев, избувна војна во која Донбас имаше целосна поддршка од Владимир Путин, ама никакви знаци дека Москва може да ги признае и да ги поврзе самопрогласените републики.
Лидерите на ЕУ сега можат да се молат дека претстојните настани во Шпанија и Каталонија нема да резултираат со крвопролевање како во Украина. Се разбира, ситуацијата може да се смета за полесна, бидејќи нема поддршка од големите сили, нема доволно оружје, ама ниту желба да се дојде до крајот на воспоставувањето нова држава, без оглед на последиците.
Иако ЕУ не го поддржува сепаратизам во Каталонија, европските канцеларии со страв ја следат ситуацијата во Шпанија. Претходно, претседателот на Европскиот совет Доналд Туск рече дека “Мадрид е единствениот партнер во преговорите со Брисел”.
Во исто време, ЕУ ја отфрла секоја можност за медијација помеѓу Барселона и Мадрид и се држи пасивно, како сето ова да се случува на Далечниот Исток или во земјите од Јужна Африка.
Зборовите на Доналд Туска покажуваат дека ништо нема да се промени и дека Шпанија ќе остане единствениот партнер на ЕУ во преговорите. Најинтересната работа што во Брисел можеле да смислат е изјавата “како се надеваат дека шпанската влада ќе ја користи силата на аргументите, а не аргументите на сила”. И тоа е сè.
Европската Унија уште еднаш ја демонстрира својата немоќ. Така беше случај и во 2014 година во Украина, кога полските, германските и француските министри потпишаа документ со кој се гарантира мирна транзиција, преодна влада и предвремени избори. По потпишувањето си отидоа дома, а истата ноќ имаше и државен удар во Киев, кој што резултираше со крвопролевање.
Навистина, Украина не е Шпанија и Каталонија не е Донбас, но ЕУ со такво запоставување ја исклучува можноста за вооружен конфликт и не сака да се вклучи директно во дијалогот помеѓу Барселона и Каталонија а тоа е непростливо. Ова е уште еден доказ дека Европската унија не е основана за зачувување на мирот на континентот, туку за создавање и зачувување на условите за профитабилен бизнис на големиот капитал.
Извор:logicno
