Шефот на иранските вооружени сили објави дека Техеран развил неверојатно софистицирана балистичка ракета која може да нападне воени бродови и носачи на авиони од далечина од 1.500 километри.
Ракетата е успешно тестирана и се произведува масовно, изјави генералот Мохамед Хосеин Багери.
Пофалувајќи се со ова достигнување, Багери рече дека Иран сега е меѓу трите земји во светот кои ја совладале технологијата за производство на такви ракети.1
Новата балистичка ракета ќе гарантира безбедност во морињата околу Иран, рече воениот началник, додавајќи дека непријателските цели во морето повеќе нема да бидат безбедни на оддалеченост од 1.500 километри.
„Да се има таков проектил ќе создаде значителна безбедност во радиус од над 1.000 километри во морињата околу нас.
Ракетата се движи во вселената со брзина од 8 маха и може да погоди цели во движење со голема прецизност“, објасни командантот.
