Израелската полиција рано утринава изврши рација во комплексот на џамијата Ал Акса, два дена по големиот судир со Палестинците. Палестинците кои се наоѓаа на широко плато пред џамијата беа протерани, а десетици од нив останаа внатре во зградата извикувајќи „Господ е најголем “, пренесува АП.
И овој пат муслиманските верници натрупаа камења и поставија бариери во исчекување на насилството, по што дојде до кратки судири со израелската полиција. Палестинските лекари соопштија дека се повредени 10 лица.
Според соопштението, полицијата интервенирала со цел да им овозможи на Евреите да го посетат светото место, кое го нарекуваат „Градот на храмот“, а е посветено на заштита на верските слободи на верниците од сите религии.
Ова место е трето најсвето место за муслиманите и најсвето за Евреите, а долго време е жариште на израелско-палестинското насилство, наведува американската агенција.
