Разговорот меѓу претседателите на Русија и Кина, Владимир Путин и Си Џинпинг беше многу позитивен, тоа беше разговор меѓу двајца пријатели, изјави помошникот на рускиот лидер Јуриј Ушаков. Тој додаде дека кинескиот лидер го поддржал барањето на Москва до Западот за безбедносни гаранции, пишува „Tanjug“
„Разговорот се водеше преку видео врска, траеше околу час и половина, лидерите успеаја да разговараат буквално за сите важни прашања како од билатералните односи, така и од меѓународната агенда.“
„Најважно, се чини, е дека разговорот беше многу позитивен, тоа е разговор меѓу двајца колеги, двајца пријатели, лидери на две големи пријателски земји“, посочи Ушаков.
За време на разговорите Путин и Си изјавија дека односите меѓу двете земји достигнале невидено високо ниво и дека се развиваат многу успешно.
„Претседателот на Кина дури и сликовито рече дека иако нашите билатерални односи не се сојузнички, во нивната цврстина и ефикасност тие дури и го надминуваат тоа сојузничко ниво. Затоа, билатералните односи добија највисок рејтинг“, прецизираше помошникот на рускиот претседател.
Си ја поддржува идејата на Русија за безбедносни гаранции
Во текот на разговорите, претседателот на Кина ја поддржа руската иницијатива за формирање систем на безбедносни гаранции, рече Ушаков.
„Она што е многу важно е дека претседателот на Кина истакна дека ја разбира загриженоста на Русија и дека целосно ја поддржува нашата иницијатива и развојот на соодветни безбедносни гаранции за Русија. Страните се договорија да одржуваат контакти за ова прашање. Ќе ги информираме нашите кинески колеги за преговорите и контактите во врска со тоа со американските и НАТО партнерите“, рече Ушаков.
Путин го информирал Кси, дека денеска до американските претставници биле доставени конкретни предлози, за формулирање правни гаранции за обезбедување на безбедноста на Русија.
„Претседателот Путин посочи дека сме подготвени веднаш да ги започнеме преговорите за ова исклучително важно прашање за обезбедување на безбедноста на Русија и изрази надеж дека Американците и НАТО позитивно ќе реагираат на тоа“, рече Ушаков.
AUKUS ја поткопува нуклеарната рамнотежа
Лидерите на Русија и Кина се согласија дека блокот AUCUS (САД, Велика Британија и Австралија) ја поткопува нуклеарната рамнотежа и ги зголемува тензиите во регионот, додаде Ушаков.
„Изразена е загриженост за активностите на Американците за реконфигурирање на моменталната ситуација во азиско-пацифичкиот регион. Во таа насока, и нашата и кинеската страна дадоа негативна оценка во однос на формирањето на нови сојузи, како што се Индо-пацифичкиот „Квад“ и Американско-англиско-австралиската алијанса (AUKUS). Како што беше речено, оваа втора алијанса ги поткопува основите на режимот за неширење на нуклеарното оружје и ги зголемува воените тензии во регионот воопшто“, рече помошникот претседател.
Формирање независна финансиска структура
Путин и Кси се договорија да формираат независна финансиска структура, врз која нема да можат да влијаат други земји.
„Посебно внимание се посветува на потребата од интензивирање на напорите насочени кон воспоставување независна финансиска инфраструктура за трговските операции меѓу Русија и Кина. Тоа значи формирање на структура на која не можат да влијаат трети земји“, објасни Ушаков.
И двајцата лидери се залагаат за зголемување на уделот на националните валути во меѓусебната трговија, како и за проширување на соработката за да им се овозможи на руските и кинеските инвеститори пристап до кинеската и руската берза.
Путин го информирал својот кинески колега и за неговиот разговор со американскиот претседател Џозеф Бајден. Рускиот лидер истакна дека, во суштина, разговорот имал смисла и корисен.
„Нашиот претседател рече дека на Бајден му ја презентирал ситуацијата во врска со растечките закани за руските национални интереси, од страна на САД и НАТО блокот, кои постојано ја движат својата воена инфраструктура во близина на руските граници. Во тој контекст, нашиот претседател укажа на потребата од итно отпочнување сериозни преговори и со САД и со НАТО, за да се развијат меѓународни правни гаранции за безбедноста на нашата земја што би го исклучиле натамошниот напредок на Алијансата на исток и распоредувањето на вооружените системи кои се закануваат Русија.соседните земји“, рече Ушаков.
Самит на Советот за безбедност на ОН
Путин и Кси разговарале и за иницијативата на Русија за одржување на самит на „петте“ земји-членки на Советот за безбедност на ОН. И двајцата лидери сметаат дека идејата е многу корисна и ќе се работи на нејзина реализација следната година.
„Покрај тоа, лидерите истакнаа дека соработката за меѓународни прашања се развива многу успешно, нагласувајќи дека руско-кинеската соработка е стабилизирачки фактор во меѓународните работи“, рече Ушаков.
Лидерите разговараа и за Самитот за демократија организиран од САД и се согласија дека тој е контрапродуктивен.
Се зборуваше и за соработка во формат „Русија-Индија-Кина“ (RIC). Како што беше најавено, самитот во тој формат се планира да се одржи во блиска иднина.
Лидерите го истакнаа и успехот кога станува збор за развој на инфраструктура на границата меѓу двете земји, која Москва и Пекинг, како што рече Путин, имаат намера да ја претворат во „појас на вечен мир и добрососедство“.
За време на видео-самитот се разговараше и за испораките на гас преку гасоводот „Моќта на Сибир 2“.
„Dubai-Portal“
