Со помош на Јапонската амбасада ќе биде набавен дигитален апарат за ултразвук во одделението за гинекологија во струшката болница, со вредност од 50.833 евра. Овој грант е во склоп на проектот за подобрување на медицинските услуги со кој ќе се подобри квалитетот на здравствената нега и ќе се скрати времето за преглед на близу 200.000 пациенти од југозападниот регион, стои во изјавата на „Фејсбук“ страната на Општина Струга.
“Во име на сите стружани сум благодарна за придонесот и помошта на јапонскиот народ, посебно за време на пандемијата. Се надевам дека во иднина нашата соработка ќе се продлабочи во интерес на граѓаните и за доброто на сите” – рече Арбреша Влаши, претседател на Советот при О. Струга.
