Голем број лица се повредени при судир на два воза во близина на градот Солсбери во Велика Британија, пренесува Агенција Анадолија (АА).
Полицијата на Вилтшир преку социјалната мрежа Твитер информираше дека два воза се судриле меѓу Ендовер и Солсбери. Во соопштението се наведува дека на местото на несреќата се испратени околу 50 противпожарни и амбулантни возила.
Британската транспортна полиција соопшти дека несреќата се случила во тунелот во Фишертон. Во соопштението се вели дека во несреќата се повредени голем број патници, но нема загинати.
Според вестите што ги објавија локалните медиуми, во несреќата се повредени најмалку 12 патници.
Се истакнува дека во несреќата, еден од вагоните излегол од шина.
Се уште не е дадена некоја официјална изјава во врска со причината за несреќата.
Anadolu Agency
