Словенија ќе укинува дел од анти-корона мерките

Словенечкиот премиер Јанез Јанша најави дека од следниот вторник ќе почнат со постепено укинување на ограничувањата воведени со цел да се спречи ширењето на коронавирусот.

Словенечката Влада, меѓудругото, подготвува план за постепено активирање на некои производствени, услужни и транспортни капацитети.

„Ја разгледуваме можноста за отворање на оние претпријатија кои можат да обезбедат работа, следејќи ги препораките за ограничувањето на раздалеченоста на луѓето, како и дезинфекција на рацете и носење заштитни маски“, изјави Јанша.

• Словенија подготвува втор закон за економските последици од пандемијата

Јанша кажа дека има план и за намалување на ограничувањето на движењето на луѓето.

Извор:РСЕ