Иранскиот претседател Ебрахим Раиси треба да го посети Пакистан од 22 до 24 април, соопшти во неделата пакистанското Министерство за надворешни работи.
За време на тридневната посета на Пакистан, Раиси ќе биде придружуван од висока делегација составена од министерот за надворешни работи на Иран и други членови на владата, високи претставници и деловна делегација, се вели во соопштението.
Иранскиот претседател ќе се сретне со пакистанскиот премиер Шехбаз Шариф, претседателот Асиф Али Зардари и други клучни лидери, се вели во соопштението.
Министерството соопшти дека двете страни ќе имаат широка агенда за понатамошно зајакнување на врските Пакистан и Иран и унапредување на соработката на различни полиња, вклучително и трговијата, енергијата, земјоделството и контактите меѓу луѓето, пренесува Ксинхуа.
(Vijesti.ba / ФЕНА)
