Британскиот финансиски регулатор нареди, „Бајнанс”, најголемата платформа за тргување со криптовалути во светот, да ги запре сите регулирани активности, приклучувајќи им се на строгите мерки во Јапонија и Германија.
„Бајнанс Маркетс”, британскиот огранок на „Бајнанс”, не смее да извршува регулирани активности без писмено одобрение од ФЦА, а одлуката стапува на сила веднаш, објави агенцијата за финансиски услуги ФЦА.
Тргувањето со криптовалути во Велика Британија не е директно регулирано, но платформите мора да добијат лиценци за услуги.
ФЦА му наложи на „Бајнанс” до 30 јуни да објави известување на својата веб-страница и на социјалните мрежи дека на „Бајнанс” маркет не им е дозволено да вршат регулирани активности во Велика Британија.
Платформата исто така мора да води целосна евиденција во врска со потрошувачите во Велика Британија и да ја извести ФЦА до 2 јули дека ја имплементирала таа наредба.
Регулаторот не објасни зошто презела акција против „Бајнанс”, кој претходно соопшти дека ги прифаќа своите законски обврски многу сериозно и соработува со регулаторите и агенциите за спроведување на законот.
ФЦА го засили својот надзор над трговијата со криптовалути, што стана многу популарно, како во Британија, така и низ целиот свет. Од јануари, регулаторот бара сите компании кои нудат услуги поврзани со криптовалути да се регистрираат и да докажат дека се во согласност со законите против перење пари
