Во едно импресивно интервју со Такер Карлсон, американскиот амбасадор во Израел, Мајк Хакаби, отворено ги формулира територијалните претензии на Израел во библиски термини, сугерирајќи дека на еврејската држава ѝ е даден божествен мандат над практично целиот регион.
Кога беше прашан дали еден пасус од Книгата Битие може да се протолкува како давање право на Израел на целата земја помеѓу египетскиот Нил и сирискиот Еуфрат, Хакаби не се воздржа од зборови. Тој директно рече дека би било „во ред“ ако Израел и неговата армија го преземат целиот Блиски Исток.
„Би било во ред ако земат сè“, јасно стави до знаење Хакаби, поранешен јужнобаптистички пастор и поранешен гувернер на Арканзас. Ова доведе до широка дебата за тоа дали модерната држава Израел, официјално основана како суверена држава на 14 мај 1948 година, е иста како Израел од Стариот завет, кој датира од пред илјадници години.
Според транскриптот и коментарот, контроверзниот дел од интервјуто одел вака:
Американскиот новинар Такер Карлсон го прашал Хакаби како толкува библиски стих што сугерира дека земјата, вклучувајќи делови од Египет, Сирија и Ирак, била божествено ветена на еврејскиот народ.
Карлсон надополнил дека, според Стариот завет, границите би биле „во основа целиот Блиски Исток“.
Потоа прашал: „Дали Израел има право на таа земја?“
„Не сум сигурен дека би отишле толку далеку“, одговорил Хакаби. „Тоа би било огромен дел од земјата“.
Во продолжени Карлсон уште го прашал: „Дали Израел има право на таа земја?“
„Би било во ред да земат сè“, одговорил Хакаби, додавајќи: „Не мислам дека за тоа зборуваме денес“.
Карлсон: „Дали мислите дека би било во ред државата Израел да го земе целиот Јордан?“
Во тој момент, амбасадорот Хакаби јасно сфати дека влегува во многу чувствителна дипломатска зона, зона што може да ги налути арапските сојузници на Вашингтон во регионот.
„Тие не се обидуваат да го освојат Јордан. Тие не се обидуваат да ја освојат Сирија. Тие не се обидуваат да го освојат Ирак или било каде на друго место, но сакаат да го заштитат својот народ“, одговори Хакаби. Треба да се напомене дека израелската армија навистина ја нападнала јужна Сирија и држи делови од територијата што се само неколку десетици километри од Дамаск.
„Мислам дека нешто ви недостига, бидејќи тие не бараат да се вратат и да го земат сето тоа, туку бараат барем да ја задржат земјата што ја окупираат сега, во која живеат и што легитимно ја поседуваат, а тоа е безбедно засолниште за нив“, додаде Хакаби.
Во саботата, денот по емитувањето на интервјуто со Карлсон, Хакаби издаде долго појаснување за своите изјави, обвинувајќи го поранешниот водител на Фокс дека ги извртува своите зборови и ја води дебатата со лоши намери.
Многу делови од ова интервју веројатно ќе предизвикаат долготрајна дебата. Поддржувачите на Хакаби често ја нарекуваат секоја критика на израелската политика „антисемитска“, додека критичарите од Тел Авив истакнуваат дека спротивставувањето на политичкиот ционизам во никој случај не подразбира непријателство кон Евреите.
