Турција, денес го отфрли американското сочувство за смртта на шест лица во бомбашки напад во Истанбул, за кој Анкара ја обвини забранетата курдска милитантна група.
Претседателот Реџеп Таип Ердоган често го обвинува Вашингтон за снабдување со оружје на курдските борци во северна Сирија, кои Анкара ги прогласи за терористи.
„Не ја прифаќаме пораката за сочувство на американската амбасада. Ние го отфрламе“, рече министерот за внатрешни работи Сулејман Сојлу во телевизиските коментари.
Во меѓувреме, турски официјален претставник одби да ги коментира извештаите за американско-руските разговори во Турција, денес, но рече дека Анкара соработува со некои земји против тероризмот, вклучително и експлозијата во неделата во Истанбул.
Анкара за нападот во неделата во Истанбул ги обвини курдските милитанти, против кои извршија неколку операции во северна Сирија. Во минатото, таа ги известуваше Москва и Вашингтон пред нејзините операции.
Сторителката на смртоносниот терористички напад на познатата улица за пешачење Истиклал во Истанбул ја зела наредбата од терористичката организација ЈПГ/ПКК во Сирија, соопштија денес турските власти, јавува Агенција Анадолија
