Египетскиот претседател, Абдел Фатах Ал-Сиси, во Каиро се сретна со претседателот на Народното собрание на Србија, Ивица Дачиќ, на разговори за билатералните односи.
Во соопштението од Канцеларијата на Претседателството се наведува дека на средбата се разговарало за „начините за подобрување на билатералните односи, особено во областа на здравството, енергетиката, туризмот, како и воената соработка, борбата против тероризмот и илегалната миграција“, пушува „Dailynewegypt“.
„Во разговорите стана збор и за најновите регионални и меѓународни случувања од заеднички интерес, особено за палестинските прашања“, се вели во соопштението и се додава дека на средбата се разговарало и за начините за зајакнување на безбедноста и стабилноста во регионот.
Лидерите, исто така, разговараа за меѓусебната координација на меѓународните форуми „во светло на балансираните позиции на Србија за поддршка на арапските прашања“, се вели во соопштението.
Односите меѓу Египет и Србија датираат од 1908 година и беа сведоци на значителни подобрувања од 1950-тите, особено за време на ерата на покојниот египетски претседател Гамал Абдел Насер и југословенскиот лидер Јосип Броз Тито.
„Dubai-Portal“
