Најмалку 648 демонстранти се убиени во репресијата на иранските безбедносни сили врз протестното движење што ја потресе Исламската Република, соопшти во понеделник Организацијата за човекови права на Иран (IHR) со седиште во Норвешка, предупредувајќи дека вистинскиот број на жртви може да биде многу поголем.
„Меѓународната заедница има должност да ги заштити цивилните демонстранти од масовните убиства што ги изврши Исламската Република“, рече директорот на IHR, Махмуд Амири-Могадам, коментирајќи го новиот број на жртви потврден од невладината организација.
IHR соопшти дека „некои проценки сугерираат дека повеќе од 6.000 луѓе можеби се убиени“, но предупреди дека речиси четиридневното исклучување на интернетот што го наметнаа иранските власти „го отежнува независното потврдување на овие извештаи“, објави АФП.
