Израелска делегација, предводена од шефот на службата за безбедност Шин Бет, Ронен Бар, отпатува за Каиро за да преговара за прекин на огнот со Хамас, јавува државната телевизија Кан.
Кан рече дека Бар ќе разговара и со египетските власти за средствата за спречување на шверцот на оружје од страна на Хамас од Египет во Газа.
Бар подоцна ќе отпатува за Катар за да се сретне со своите преговарачи за прекин на огнот.
Во неделата, пред да замине делегацијата, израелскиот премиер Бенјамин Нетанјаху рече дека ќе се согласи на договор за прекин на огнот само ако му дозволи на Израел да продолжи со воените операции во Газа по ослободувањето на заложниците.
Хамас минатата недела сигнализираше дека се откажа од клучното барање Израел прво да се обврзе на траен прекин на огнот пред да го потпише договорот, што ги зголеми надежите за напредок во разговорите со меѓународно посредство, објави Ксинуа.
(Vijesti.ba / ФЕНА)
