Бенјамин Нетанјаху изјави пред Кнесетот дека Израел е обединет во својата кауза, признавајќи дека ќе има истраги за пропустите во разузнавањето и безбедноста што му дозволија на Хамас да изврши таков разорен напад на 7 октомври.
Тој го повика светот да се обедини и да се бори против Хамас. Повеќе од 1.300 Израелци беа убиени во ненадејниот напад, но Хамас зеде најмалку 199 заложници во Газа, која сè уште ја држи.
„Има голема загриженост за катастрофата што не погоди пред 10 дена. Ќе го истражиме секој аспект детално“, истакнал тој.
„Нацијата е обединета во една цел – победа. Ќе триумфираме, бидејќи се работи за самото наше присуство во овој регион, кој е полн со мрачни сили. Хамас е дел од злобната оска на Иран и Хезболах. Нивната цел е да фрлат Блискиот исток во бездна на хаос.
Сега многумина ширум светот разбираат со кого се соочува Израел. Тие разбираат дека Хамас претставува нова верзија на нацизмот. Како што светот се обедини за да ги победи нацистите и ИСИС, така мора да се обедини за да го порази Хамас.
Посветени сме на сите семејства. Нема да попуштиме во нашите напори да ги вратиме нашите браќа и сестри“, завршил Нетанјаху.
(Vijesti.ba)
