Немири избија во Ландскрон, град во јужна Шведска, во саботата вечерта поради најавата за митинг на десничарската данска партија „Страм Курс“, позната по своите антиимигрантски ставови и планираното палење на Куранот.
И покрај одлуката релито да се пресели во Малме, група од околу 100 претежно помлади луѓе запалиле автомобили, гуми и канти за ѓубре, фрлале камења и поставиле барикади во Ландскрон, на околу 45 километри од Малме. Ситуацијата се смирила доцна вечерта во саботата, но била тензична, соопшти полицијата, наведувајќи дека во немирите нема повредени.
🔴SWEDEN: VIOLENT PROTESTS IN OREBRO, CENTRAL SWEDEN!
Counter-protesters demonstrating against a far-right group’s intention to burn a Koran in #Orebro clashed with police on Friday, leaving 4 police officers injured.#BreakingNews #Protests #Protesta pic.twitter.com/76IiuC7ZzU
— loveworld (@LoveWorld_Peopl) April 15, 2022
Инаку, десничарската партија од Данска, чиј лидер е Расмус Палудан, кој има и шведско државјанство, веќе неколку дена го организира палењето на Куранот во Шведска, што предизвика протести и во други градови, меѓу кои и Стокхолм.
Десетици луѓе се собрале на митинг во Малме во саботата навечер. Полицијата употребила солзавец за да растера мала група луѓе кои фрлале камења кон учесниците на митингот на кој се обрати Палудан. Полицијата навела дека и Палудан бил погоден од остриги во ногата, додавајќи дека никој не е сериозно повреден, пренесе „Гардијан“.
ZeroDot / Медиуми
