Мачката „Мида“ која има четири уши стана популарна на социјалните мрежи во Турција и пошироко. Нејзиниот сопственик Чаниш Досемчи во интервју за АА изјави дека нејзините пријатели во дворот забележале мачка со четири уши. -Кога ја зедов во раце, тоа беше љубов на прв поглед. Таа се навикна на нас, а ние на неа, вели Досемчи. Ја именува по Мида, фригискиот крал и се грижи за неа речиси еден месец. Посебен интерес за мачката покажуваат и соседите. Таа на социјалните мрежи направи и профил за својот миленик, а има и бројни следбеници од странство. Дополнувањата на овој профил ги повикуваат следбениците да посвојуваат животни наместо да пазаруваат.
Нејзиниот сопруг Џенгиз Досемечи вели дека мачката одлично се согласува со кучето Сузи. – Кучето Сузи и мачката одлично се согласуваат. Сузи ја сака, и таа ја сака. Спијат заедно, рече Досемечи. Ветеринарот Ресат Нури Аслан вели дека бил многу изненаден кога првпат ја видел мачката и дека тоа е многу ретка генетска мутација. Тој додаде дека коската на вилицата е малку повлечена наназад, поради што јазикот постојано се задржува малку напред, но дека тоа не му пречи на животното при хранење.
– Нејзината опашка е исто така малку пократка во споредба со другите мачки. И тоа е резултат на генетска мутација. Верувам и дека структурата на мозокот е различна. Оваа мачка е посебна, дури не мјаука толку гласно, изјави Аслан. Тој објасни дека нејзиниот раст е ист како оној на другите мачки и дека нејзиното здравје е добро.
