Германија протера едно лице вработено во руската амбасада во Берлин како одговор на протерувањето на германски дипломат во Москва минатата недела, соопшти денеска германското Министерство за надворешни работи. Канцеларијата за надворешни работи прогласи еден вработен во руската амбасада во Берлин за персона нон грата, објави Министерството, пренесува Ројтерс. Русија протера неколку дипломати на ЕУ, вклучително и еден од германската амбасада. Изјавено е дека дипломатите учествувале во демонстрациите за поддршка на затворениот руски опозициски лидер Алексеј Навални, но Германија го оспори тоа, пренесува Танјуг.
Германскиот дипломат само ја извршуваше својата задача да известува за настаните на самото место, се наведува во соопштението. Полска протера службеник на рускиот конзулат во Познан По Германија и Шведска, Полска исто така побара официјален претставник на рускиот конзулат во Познан да ја напушти Полска, како одговор на протерувањето на полскиот дипломат од Русија во петокот, објави полското Министерство за надворешни работи на својот профил на Твитер. – Министерството за надворешни работи донесе одлука денес во согласност со принципот на реципроцитет и во координација со Германија и Шведска да прогласи вработен во рускиот конзулат во Познан за персона нон грата – објави Министерството, објави Ројтерс.
Полски дипломат кој беше протеран од Русија е обвинет за учество во протести против затворањето на рускиот опозициски лидер Алексеј Навални. Захарова: Одлуки на непријатели на Полска, Германија и Шведска Одлуките на Варшава, Берлин и Стокхолм за прогласување на тројца руски дипломати за персона нон грата се неосновани и непријателски, изјави денеска портпаролот на руското Министерство за надворешни работи, Марија Захарова. – Денешните одлуки на Полска, Германија и Шведска се неосновани, непријателски расположени и дејствуваат како продолжение на низата активности преземени од Западот во однос на нашата земја, кои ги квалификуваме како мешање во внатрешните работи – рече таа, пренесе ТАСС. Претходно денес, руското Министерство за надворешни работи ја нарече неправеден и непријателски потег одлуката на Германија, Полска и Шведска да ги протераат руските дипломати од тие земји, пренесе Интерфакс.
