Министерството за безбедност и Обвинителството на БиХ , синоќа потврдијаво БиХ се депортирани вкупно 25 државјани, кои претходно престојувале во Сирија и Ирак на територијата контролирана од терористичката организација Исламска држава (ИД).
Потврдено е дека седум мажи, шест жени и дванаесет деца биле депортирани во Сараево со специјален лет.
Обвинителството на БиХ, исто така, потврди дека сите депортирани мажи се под истрага за тероризам и противзаконска припадност со паравоени групи во странство и затоа се приведени и ќе бидат гонети.
Жените и децата биле подложени на соодветни проверки по пристигнувањето
Според соопштението на Министерството за безбедност, по пристигнувањето на аеродромот во Сараево, на жени и деца биле подложени на соодветни проверки од граничната полиција на БиХ, им била укажана потребната помош, а потоа биле пренесени во прифатниот центар за понатамошни прегледи и медицинска помош.
„Министерството за безбедност на БиХ изразува благодарност до сите инволвирани министерства и агенции во БиХ, а особено до Владата на САД и амбасадата на САД во Сараево за нивната поддршка и помош во извршувањето на овие активности“, се вели во соопштението, додавајќи дека Министерството за безбедност на БиХ ќе соработува со меѓународни партнери продолжи да ја следи ситуацијата во камповите во Сирија каде има уште голем број жени, деца и мажи од БиХ.
Dubai-Portal / Oslobodjenje
