Израелскиот министер за одбрана, Авигдор Либерман, побарал од Русија повеќе да ја завземе про-израелската позиција во однос на Сирија и Иран, тврдејќи дека Израел ги спречил новите санкции на западните земји против Москва, објави Ројтерс. “Ги цениме нашите врски со Русија. Кога нашите сојузници притискаа за санкции, ние не им се придруживме – изјавил во интервју за рускиот весник Комерсант.
Тој истакна дека Израел се грижи за руските интереси, но сака Русија да се грижи за интересите на Израел.
“Ние немаме намера да се мешаме во внатрешните прашања на Сирија, но ние нема да дозволиме Иран од Сирија да направи полигон за напади врз Израел”, рекол Либерман.
Извор:(Vijesti / ФЕНА)
