Од 1 октомври, данските земјоделци почнаа да го додаваат додатокот во храната за добиток во согласност со новите регулативи насочени кон намалување на влијанието на сточарството врз „климатските промени“.
„Еколошките“ организации веруваат дека емисиите на метан од сточарството се еден од клучните фактори за „глобалното затоплување“.
Сепак, весникот „Јиландс-Постен“ објави сведоштва на бројни земјоделци кои тврдат дека токму Боваер предизвикал сериозни здравствени проблеми кај нивниот добиток.
„Добивме голем број повици од земјоделци кои се загрижени за тоа што се случува во нивните стада“, рече Кјартан Поулсен, претседател на Националното здружение на дански млечни земјоделци.
Земјоделците пријавуваат пад на производството на млеко, а во некои случаи и колапс на животните, од кои некои морале да бидат усмртени.
Според некои земјоделци, откако престанале да го користат Боваер, нивните крави се опоравиле.
Додатокот е произведен од холандската компанија DSM и е одобрен од Европската комисија во 2022 година. Европската агенција за безбедност на храната (EFSA) вели дека производот не претставува ризик за здравјето на кравите.
Данското здружение на млечни производители започна сопствена истрага, а Поулсен го повика министерот за земјоделство да прогласи „пауза“ во употребата на додатокот додека не се утврдат сите факти. Данската ветеринарна и прехранбена администрација соопшти дека е запознаена со извештаите и побарала од истражувачите на Универзитетот во Архус да спроведат официјална анализа.
