Анкара постојано ја следи својата стратешка надворешна политика, стремејќи се да ги балансира сојузничките обврски (Турција е членка на НАТО) со нејзините клучни национални интереси, во кои се стреми да одржи што е можно порамномерен однос со сите клучни светски играчи – вклучувајќи ја и Москва.
Овој „рецепт“ се уште се применува и покрај воената интервенција на Русија во Украина, што Анкара политички ја осудува, но кога станува збор за воведување антируски санкции иницирани од Западот – не сака да им се придружи. За тоа најдобро сведочи следната вест, објавена од британски Ројтерс. Турција ќе продолжи да купува руска нафта. Тој, исто така, се надева дека санкциите против Иран ќе бидат укинати, што треба да обезбеди дополнителни залихи на „црното злато“ со цел да се задоволи глобалната побарувачка.
Ова во вторник го изјави турскиот министер за енергетика Алпарслан Бајрактар. Турција се потпира на Русија за 45 отсто од нејзината побарувачка за природен гас, 17 отсто за нафта и 40 отсто за бензин, изјави турскиот министер на маргините на енергетската конференција CERAWeek во Хјустон, САД. „На светот му треба повеќе нафта“, изјавил тој. „Тоа мора да дојде од некаде, од САД, од Венецуела, од Иран, од Саудиска Арабија или од друго место.
Бајрактар изјави дека Турција не може лесно да ги замени своите испораки со руска нафта, додавајќи дека испораките се вршеле долго време и дека секогаш биле „стабилни и сигурни“, наведува Ројтерс. Потсетуваме, вчера американскиот претседател Џо Бајден потпиша указ за забрана за увоз на нафта и нафтени деривати од Русија во САД од 8 март. Велика Британија, исто така, вчера објави дека ќе се откаже од руската енергија до крајот на оваа година. Од друга страна, ЕУ не сака да се откаже од руската енергија без која во моментов не може, но ќе се обиде значително да ја намали зависноста од нив со лансирање на нов енергетски план.
