Европската унија (ЕУ), во петокот потврди дека не дава никаква поддршка на безбедносните служби на палестинските власти (PA), се вели во соопштението на ЕУ, пишува „MEMO“, пренесува „Dubai-Portal“.
„ЕУ не обезбедува никаква финансиска или техничка помош за палестинските безбедносни сили освен техничка за палестинската цивилна полиција“, се вели во соопштението објавено на „Фејсбук“ страницата на ЕУ.
Ова доаѓа по атентатот врз палестинскиот активист од Хеброн, Низар Банат, од безбедносните служби на палестинските власти (PA) и обвинението на неговото семејство дека ЕУ ги финансира палестинските власти (PA).
„Нашите средства се користат за исплата на плати на медицински сестри, лекари и наставници и за придонес кон финансиската поддршка на најсиромашните палестински семејства на Западниот Брег и Газа“, се додава во соопштението.
„Ние, исто така, финансираме големи инфраструктурни проекти, го поддржуваме граѓанското општество и деловниот сектор, особено микро и мали претпријатија, спроведуваме проекти за зачувување на палестинскиот идентитет на областа Ц и источен Ерусалим и остануваме главен партнер на UNRWA“, се вели во соопштението.
Потврдено е дека: „Воспоставен е најсилниот механизам за набудување за да се осигури дека секое евро навистина се троши според планираното“.
Минатиот месец, Банат откри дека безбедносните служби на палестинските власти (PA), отвориле оган кон неговата куќа, искршиле прозорци и ги исплашиле членовите на неговото семејство.
Банат ја повика ЕУ да престане да ги финансира безбедносните служби на палестинските власти (PA), што предизвика полемики меѓу Палестинците во врска со финансиската поддршка на ЕУ за палестинските власти (PA).
„MEMO“
„Dubai-Portal“
