Ердоган на отварањето на гасоводот ТАНАП: Ова е историски чекор за регионот

Турскиот претседател Реџеп Тајип Ердоган во обраќањето на свечената церемонија на отворање на Трансанадолскиот гасовод (ТАНАП) во Ескишехир, Турција, изјави дека ова е историски чекор за регионот, објави Агенцијата Анадолу (АА).
ФОТО: АА

– Денес го отворивме гасоводот ТАНАП, кој го претставува енергетскиот “Пат на свилата”. Ова е историски чекор за регионот и за нашите земји – истакнал турскиот претседател.
Тој им честиташе на сите оние кои придонесоа за проектот, како што рече, дека овој голем проект завршува уште пред планираниот датум.
-ТАНАП е истовремено симбол на мултилатерална соработка. Нашата позиција е дека енергијата е основа за соработка, а не за конфликти – рече турскиот претседател во обраќањето кон публиката.
Тој посочи дека Турција повеќе не е транзитна земја, туку дојде на многу важна позиција на земја која игра улога во сите фази, од производителот до крајниот потрошувач.
– Годишниот капацитет на ТАНАП ќе изнесува 16 милијарди кубни метри гас. Од тоа, Турција ќе користи шест милијарди кубни метри, додека останатите десет милијарди кубни метри ќе бидат испорачани на европскиот пазар. Целта е да се зголеми капацитетот на ТАНАП, доколку е потребно, до 22 милијарди кубни метри, а потоа и до 31 милијарда кубни метри “, рече Ердоган.
Тој додаде дека реализацијата на проектот ТАНАП е во голема мера помогната од економската и политичката стабилност што Турција ја има постигнато во текот на изминатите 16 години.
Тој истакна дека првата испорака на гас до границата со Грција веќе е планирана за јуни 2019 година.
Трансанодолскиот гасовод (ТАНАП) денеска беше отворен во градот Ескишехир, Турција.
Нафтоводот заеднички го отворија турскиот претседател Реџеп Тајип Ердоган, српскиот претседател Александар Вучиќ, украинскиот претседател Петро Порошенко, претседателот на азербејџан Илхам Алијев и претседателот на кипарските Турци Мустафа Акинци.
Овој гасовод носи природен гас од Азербејџан до Турција или до градот Ескишехир, каде што се градат компресорски станици, од каде што нафтоводот оди понатаму на Ипсала на турско-грчката граница, каде што ТАНАП се поврзува со Транспарланскиот гасовод (ТАП), кој снабдува гас со европскиот пазар .

Извор:Faktor